Velkomin á heimasíðu Árneshrepps
og verið öll ævinlega velkomin í Árneshrepp sjálfan.
Árneshreppur á Ströndum er afskekkt og víðfemt sveitarfélag. Þar hefur um aldir fólk lifað af fjölbreyttum landkostum og hlunnindum lands og sjávar.
Lesa meira
Á heimasíðunni er hægt að finna allar upplýsingar um þjónustu í Árneshreppi, um samgöngur, sveitarfélagið sjálft og þjónustu þess og að auki ýmsan fróðleik og skemmtun.
Ætlunin er að byggja hér upp sagnaskjóðu og myndasafn tengt Árneshreppi, einskonar vettvang eða fólkvang, þar sem fólk getur skipst á skoðunum, sent inn bréf og sögur og bætt þannig við það safn sem mun vonandi þrífast hér til framtíðar, íbúum, brottfluttum og öllum þeim sem hafa ástríðu fyrir framtíð Árneshrepps til gagns og gamans.
og verið öll ævinlega velkomin í Árneshrepp sjálfan.
Árneshreppur á Ströndum er afskekkt og víðfemt sveitarfélag. Þar hefur um aldir fólk lifað af fjölbreyttum landkostum og hlunnindum lands og sjávar.
Lesa meira
Á heimasíðunni er hægt að finna allar upplýsingar um þjónustu í Árneshreppi, um samgöngur, sveitarfélagið sjálft og þjónustu þess og að auki ýmsan fróðleik og skemmtun.
Ætlunin er að byggja hér upp sagnaskjóðu og myndasafn tengt Árneshreppi, einskonar vettvang eða fólkvang, þar sem fólk getur skipst á skoðunum, sent inn bréf og sögur og bætt þannig við það safn sem mun vonandi þrífast hér til framtíðar, íbúum, brottfluttum og öllum þeim sem hafa ástríðu fyrir framtíð Árneshrepps til gagns og gamans.
9.okt.2017
Fyrsti fundur verkefnisstjórnar Brothættra byggða í Árneshreppi
Á fyrsta fundi nýskipaðrar verkefnisstjórnar Brothættra byggða í Árneshreppi sem haldinn var þriðjudaginn 3. október í félagsheimilinu í Árnesi bar mörg mál á góma. Farið var yfir niðurstöður íbúaþings frá því í júní, stöðuna í Árneshreppi og rætt um næstu skref í verkefninu.
Í júní síðastliðnum stóðu Árneshreppur, Byggðastofnun og Fjórðungssamband Vestfirðinga fyrir íbúaþingi í Árneshreppi sem var ágætlega sótt og umræður voru fjörugar. Í framhaldi af því endurnýjaði hreppurinn umsókn sína til Byggðastofnunar, um þátttöku í verkefninu Brothættar byggðir og var sú umsókn samþykkt á fundi stjórnar stofnunarinnar í ágúst s.l. Í framhaldi af því var skipuð verkefnisstjórn sem nú hefur tekið til starfa og á næstu dögum verður gerður formlegur samstarfssamningur um verkefnið, svipað og gert hefur verið á öðrum svæðum Brothættra byggða.
Úrbætur í samgöngum voru talsvert ræddar á fundinum, ekki síður en á íbúaþinginu. Brýnast þykir að staðið verði við þau áform Vegagerðarinnar að hefja vinnu við endurnýjun vegarins yfir Veiðileysuháls árið 2018, jafnframt því að bæta vetrarþjónustuna. Þessi mál verða sett á oddinn á næstu vikum og verða án efa áberandi í markmiðum og verkefnisáætlun fyrir verkefnið í samræmi við vilja íbúaþings.
Auk annarra mála var nokkuð rætt um stöðu verslunar í sveitinni og hvað er til ráða, nú þegar kaupfélagið hefur lokað útibúinu. Heimamenn eru að vinna að lausn málsins. Þá var rætt um íbúafund sem verði haldinn svo fljótt sem verða má þegar drög að markmiðum og verkefnisáætlun fyrir verkefnið liggur fyrir. Þá þarf og að skilgreina hlutverk og skipulag fyrir verkefnisstjóra í verkefninu.
Á fundinum var hafist handa við greiningu helstu styrkleika, veikleika, ógnana og tækifæra (SVÓT) og þeirri vinnu verður síðan haldið áfram. Ekki er tímabært að greina frá niðurstöðum en óhætt að fullyrða að sérstaða Árneshrepps og einangrun vega þungt.
Í verkefnisstjórninni sitja: Sigríður K. Þorgrímsdóttir og Kristján Þ. Halldórsson frá Byggðastofnun, Eva Sigurbjörnsdóttir oddviti Árneshrepps, Aðalsteinn Óskarsson og Skúli Gautason frá Fjórðungssambandi Vestfirðinga, Kristmundur Kristmundsson og Arninbjörn Bernharðsson sem fulltrúar íbúa Árneshrepps.
Fyrsti fundur verkefnisstjórnar Brothættra byggða í Árneshreppi
Á fyrsta fundi nýskipaðrar verkefnisstjórnar Brothættra byggða í Árneshreppi sem haldinn var þriðjudaginn 3. október í félagsheimilinu í Árnesi bar mörg mál á góma. Farið var yfir niðurstöður íbúaþings frá því í júní, stöðuna í Árneshreppi og rætt um næstu skref í verkefninu.
Í júní síðastliðnum stóðu Árneshreppur, Byggðastofnun og Fjórðungssamband Vestfirðinga fyrir íbúaþingi í Árneshreppi sem var ágætlega sótt og umræður voru fjörugar. Í framhaldi af því endurnýjaði hreppurinn umsókn sína til Byggðastofnunar, um þátttöku í verkefninu Brothættar byggðir og var sú umsókn samþykkt á fundi stjórnar stofnunarinnar í ágúst s.l. Í framhaldi af því var skipuð verkefnisstjórn sem nú hefur tekið til starfa og á næstu dögum verður gerður formlegur samstarfssamningur um verkefnið, svipað og gert hefur verið á öðrum svæðum Brothættra byggða.
Úrbætur í samgöngum voru talsvert ræddar á fundinum, ekki síður en á íbúaþinginu. Brýnast þykir að staðið verði við þau áform Vegagerðarinnar að hefja vinnu við endurnýjun vegarins yfir Veiðileysuháls árið 2018, jafnframt því að bæta vetrarþjónustuna. Þessi mál verða sett á oddinn á næstu vikum og verða án efa áberandi í markmiðum og verkefnisáætlun fyrir verkefnið í samræmi við vilja íbúaþings.
Auk annarra mála var nokkuð rætt um stöðu verslunar í sveitinni og hvað er til ráða, nú þegar kaupfélagið hefur lokað útibúinu. Heimamenn eru að vinna að lausn málsins. Þá var rætt um íbúafund sem verði haldinn svo fljótt sem verða má þegar drög að markmiðum og verkefnisáætlun fyrir verkefnið liggur fyrir. Þá þarf og að skilgreina hlutverk og skipulag fyrir verkefnisstjóra í verkefninu.
Á fundinum var hafist handa við greiningu helstu styrkleika, veikleika, ógnana og tækifæra (SVÓT) og þeirri vinnu verður síðan haldið áfram. Ekki er tímabært að greina frá niðurstöðum en óhætt að fullyrða að sérstaða Árneshrepps og einangrun vega þungt.
Í verkefnisstjórninni sitja: Sigríður K. Þorgrímsdóttir og Kristján Þ. Halldórsson frá Byggðastofnun, Eva Sigurbjörnsdóttir oddviti Árneshrepps, Aðalsteinn Óskarsson og Skúli Gautason frá Fjórðungssambandi Vestfirðinga, Kristmundur Kristmundsson og Arninbjörn Bernharðsson sem fulltrúar íbúa Árneshrepps.
Auglýsing 21.sept.
Auglýsing um styrki vegna námskostnaðar eða
verkfæra- og tækjakaupa fatlaðs fólks.
Byggðasamlag Vestfjarða um málefni fatlaðs fólks vekur athygli á rétti fólks til að sækja um styrki skv. 27.grein laga nr. 59/1992 um málefni fatlaðs fólks, með síðari breytingum.
Byggðasamlaginu er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga, enda telst námið hafa gildi sem hæfing eða endurhæfing. Einnig er heimilt að veita þeim sem eru 18 ára og eldri styrk til verkfæra og tækjakaupa í sambandi við heimavinnu eða sjálfstæða starfsemi, enda teljist starfsemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu.
Umsóknafrestur er til 20. október 2017 og skulu umsóknir berast til félagsþjónustu lögheimilisveitarfélags, umsóknaeyðublöð og reglur um styrki vegna námskostnaðar eða verkfæra- og tækjakaupa eru að finna hjá viðkomandi félagsþjónustu.
- Félagsþjónustan við Djúp, Aðalstræti 12, 415 Bolungarvík, sími 450-7000/ 450-5900 www.bolungarvik.is / www.sudavik.is
- Fjölskyldusvið Ísafjarðarbæjar, Hafnarstræti 1, 400 Ísafjörður, sími 450-8000 www.isafjordur.is
- Félagsþjónusta Stranda og Reykhólahrepps, Höfðagötu 3, 510 Hólavík, sími 451-3510/ 434-7880. www.strandabyggd.is / www.reykholar.is
- Félagsþjónusta Vestur- Barðastrandarsýslu, Aðalstræti 75, 450 Patreksfjörður, sími 450 – 2300/ 456-2539 www.vesturbyggd.is / www.talknafjordur.is
Auglýsing: 20.september
Samantekt frá íbúaþingi í Árneshreppi í júní 2017 á vegum Fjórðungssambands vestfirðinga, Byggðastofnunar og sveitarstjórnar Árneshrepps:
Auglýsing 31.ágúst 2017 Tillaga að breytingu á Aðalskipulagi Árneshrepps 2005-2025.
Hreppsnefnd Árneshrepps samþykkti á fundi sínum 15.ágúst 2017 að auglýsa tillögu að breytingu á Aðalskipulagi Árneshrepps 2005-2025.
Samkvæmt 31. gr. skipulagslaga nr. 123/2010 er hér með auglýst eftir athugasemdum við tillögu að breytingum á aðalskipulagi Árneshrepps ásamt umhverfisskýrslu.
Í breytingartillögunni felst m.a:.
- Iðnaðarsvæði fært til og heimild fyrir starfsmannabúðum bætt við.
- Íbúðarsvæði innan virkjunarsvæðisins fellt út.
- Vegir um virkjunarsvæðið skilgreindir.
- Efnistökusvæði skilgreind við Hvalárósa, í Hvalá og við Hvalaárvatn.
Öðrum þáttum aðalskipulagsbreytingarinnar sem tilgreindir voru auglýstri lýsingu er frestað.
Skipulagsuppdrættir og greinagerðir ásamt umhverfisskýrslum liggja frammi á skrifstofu Árneshrepps í Norðurfirði, Skipulagsstofnun Borgartúni 7b, 105 Reykjavík og skrifstofu skipulagsfulltrúa Miðbraut 11, 370 Búðardal frá 1.september til 16. október 2017.
Ennfremur verða gögnin aðgengileg á heimasíðu sveitarfélagsins www.arneshreppur.is. www.skipulag.is og www.bb.is.
Athugasemdum skal skila skriflega á skrifstofu skipulagsfulltrúa Miðbraut 11, 370 Búðardal eða á netfangið byggingarfulltrui@dalir.is merkt “aðalskipulag”
Árneshreppur 24.ágúst 2017
Bogi Kristinsson Magnusen
Skipulags og byggingarfulltrúi
Hér að neðan má sjá gögn varðandi þessa tillögu að breytingu á aðalskipulagi Árneshrepps 2005-2025:
Auglýsing 31.ágúst 2017 Tillaga á deiliskipulagi fyrir Hvalárvirkjun í Ófeigsfirði
Samhliða er auglýst deiliskipulagstillaga ásamt umhverfisskýrslu fyrir Hvalárvirkjun sem samþykkt var á fundi hreppsnefndar Árneshrepps þann 15.ágúst 2017.
Samkvæmt 41. gr. skipulagslaga nr. 123/2010 er hér með auglýst eftir athugasemdum við deiliskipulagstillöguna ásamt umhverfisskýrslu.
Í deiliskipulagstillögunni felst m.a.:
- Afmörkun tímabundinnar lóðar og byggingarreits fyrir starfsmannabúðir og vinnusvæði.
- Afmörkun og umfang efnistökusvæða.
- Vegir innan svæðisins og tenging við þjóðveg.
Skipulagsuppdrættir og greinagerðir ásamt umhverfisskýrslum liggja frammi á skrifstofu Árneshrepps í Norðurfirði, Skipulagsstofnun Borgartúni 7b, 105 Reykjavík og skrifstofu skipulagsfulltrúa Miðbraut 11, 370 Búðardal frá 1.september til 16. október 2017.
Ennfremur verða gögnin aðgengileg á heimasíðu sveitarfélagsins www.arneshreppur.is. www.skipulag.is og www.bb.is.
Athugasemdum skal skila skriflega á skrifstofu skipulagsfulltrúa Miðbraut 11, 370 Búðardal eða á netfangið byggingarfulltrúi@dalir.is merkt “deiliskipulag”
Árneshreppur 24.ágúst 2017
Bogi Kristinsson Magnusen
Skipulags og byggingarfulltrúi
Hér að neðan má sjá gögn varðandi þessa tillögu að breytingu á deiliskipulagi Árneshrepps 2005-2025:
7.apríl.2017
Blásið til samtaka og sóknar á meðal ferðaþjóna á Ströndum, Reykhólahreppi og Dölum.
Ferðafulltrúi Dala, Bjarnheiður Jóhannessdóttir ferdamal@dalir.is og María Maack mmaaria@ atvest.is hafa ákveðið að blása til samtaka og sóknar meðal ferðaþjóna á Ströndum og í Reykhólahreppi og Dölum.
Hér er margt gott og skemmtilegt sem hentar til að draga að fleira ferðafólk. Þess vegna þurfum við að bindast samtökum, skipuleggja okkur betur, verða sýnilegri og vinna í góðum afþreyingarmöguleikum. Á næstunni munum við kalla til fundar til að ræða samvinnu og tengsl okkar á milli, kanna áhuga á námskeiði í rekstri, ræða þróun afþreyingar og markaðssetningu hennar, betri merkingar, haust- og vetrarferðamennsku sem og annað sem þið leggið til.
Þeir sem vilja vera með í þessu samstarfi ættu að hafa samband við okkur. Áður störfuðu ferðasamtök Dala og Reykhólahrepps en nú verður svæðið og samhengið víkkað út.
Svæðið sem um ræðir og liggur á mótum meginlands og Vestfjarðakjálkans hefur verið nefnd Skessubyggð í samræmi við árangur tröllkerlinganna sem vildu skilja þarna á milli og grófu frá austri um Birtufjörð og úr vestri um Gilsfjörð. Þar mætast sveitarfélögin þrjú sem við ættum að tengja saman.
Blásið til samtaka og sóknar á meðal ferðaþjóna á Ströndum, Reykhólahreppi og Dölum.
Ferðafulltrúi Dala, Bjarnheiður Jóhannessdóttir ferdamal@dalir.is og María Maack mmaaria@ atvest.is hafa ákveðið að blása til samtaka og sóknar meðal ferðaþjóna á Ströndum og í Reykhólahreppi og Dölum.
Hér er margt gott og skemmtilegt sem hentar til að draga að fleira ferðafólk. Þess vegna þurfum við að bindast samtökum, skipuleggja okkur betur, verða sýnilegri og vinna í góðum afþreyingarmöguleikum. Á næstunni munum við kalla til fundar til að ræða samvinnu og tengsl okkar á milli, kanna áhuga á námskeiði í rekstri, ræða þróun afþreyingar og markaðssetningu hennar, betri merkingar, haust- og vetrarferðamennsku sem og annað sem þið leggið til.
Þeir sem vilja vera með í þessu samstarfi ættu að hafa samband við okkur. Áður störfuðu ferðasamtök Dala og Reykhólahrepps en nú verður svæðið og samhengið víkkað út.
Svæðið sem um ræðir og liggur á mótum meginlands og Vestfjarðakjálkans hefur verið nefnd Skessubyggð í samræmi við árangur tröllkerlinganna sem vildu skilja þarna á milli og grófu frá austri um Birtufjörð og úr vestri um Gilsfjörð. Þar mætast sveitarfélögin þrjú sem við ættum að tengja saman.
Tilkynning 11.apríl
Opnu húsi með fulltrúa frá Vesturverki varðandi breytingar á aðalskipulagi Árneshrepps vegna Hvalárvirkjunar hefur verið frestað til morguns, 12.apríl kl 13.
Tilkynning 4.apríl
Opnu húsi, sem vera átti í Norðurfirði fimmtudaginn 6. apríl, er frestað vegna ófærðar í hreppinn.
Opið hús verður þess í stað þriðjudaginn 11. apríl kl. 18-19, en þar verða drög að breytingu á gildandi aðalskipulagi til sýnis en einnig verður spurningum svarað og tekið við ábendingum.
Drögin verða einnig til sýnis í Kaupfélaginu í Norðurfirði á opnunartíma þess, frá kl. 11 til 15 fram til 18. apríl, eins og fram kom í fyrri auglýsingu. Þar sem flugi á Gjögur var aflýst í dag, hefur ekki verið hægt að hengja drögin upp í Kaupfélaginu. Það verður gert um leið og flogið hefur verið.
Veðrið hefur hins vegar ekki áhrif á birtingu á vefnum og er því hægt að kynna sér drögin hér á vefnum
28.03.2017
10. apríl 2017
Varðandi breytingu á aðalskipulagi vegna Hvalárvirkjunar:
Aðalskipulagsbreytingin, sem unnið er að núna, snýr aðeins að þeim framkvæmdum sem þarf til að ljúka við nauðsynlegar rannsóknir fyrir hönnun Hvalárvirkjunar. Í gildandi aðalskipulagi er gert ráð fyrir Hvalárvirkjun í Ófeigsfirði, en þegar aðalskipulagið var unnið var hönnun virkjunarinnar stutt á veg komin. Það var því ekki hægt að setja öll ákvæði sem þurfti inn í skipulagið.
Til að ljúka við rannsóknir, s.s. á vötnum og berg- og jarðlögum, þarf að koma rannsóknartækjum upp á heiðina og einnig þurfa rannsóknaraðilar að hafa samastað. Vegir og vinnubúðir þurfa að vera í samræmi við skipulag. Þess vegna er nú unnið að breytingu á aðalskipulaginu, þannig að hægt verði að reisa vinnubúðir neðan heiðarinnar og gera vegslóða upp á hana. Þegar hönnun virkjunarinnar er lokið er gert ráð fyrir að skipulaginu verði aftur breytt þannig að nákvæm ákvæði verði sett um virkjunina og hvernig umgengni skuli vera á svæðinu.
Núna er verið að kynna drög að þessari breytingu og geta allir komið með ábendingar til sveitarstjórnar. Sveitarstjórn fer síðan yfir ábendingarnar og breytir tillögunni ef ástæða er til þess. Í framhaldinu fær Skipulagsstofnun drögin til yfirferðar og kemur með ábendingar til sveitarstjórnar. Sveitarstjórn breytir tillögunni aftur ef ástæða er til og auglýsir hana. Þá gefst öllum aftur möguleiki á að koma með ábendingar eða athugasemdir og er fresturinn til þess 6 vikur. Eftir það fjallar sveitarstjórn enn og aftur um tillöguna og breytir henni ef athugasemdir gefa ástæðu til þess. Þá er tillagan aftur send til Skipulagsstofnunar til athugunar. Ef stofnunin hefur ekkert við tillöguna að athuga er hún staðfest og þá tekur skipulagið gildi. Gert er ráð fyrir að það verði í júlíbyrjun.
Kynning á drögum að aðalskipulagsbreytingu
vegna Hvalárvirkjunar í Árneshreppi
Unnið er að breytingu á Aðalskipulagi Árneshrepps 2005-2025 vegna fyrirhugaðrar Hvalárvirkjunar í Ófeigsfirði. Drög að skipulagsbreytingu verða til sýnis í Kaupfélagshúsinu í Norðurfirði þann 6. apríl n.k. á milli kl. 20 – 21 en þar verður spurningum svarað og tekið við ábendingum. Í framhaldinu verða drögin til sýnis í Kaupfélaginu í Norðurfirði á opnunartíma þess, frá kl. 11 til 15 fram til 18. apríl, og aðgengileg á heimasíðu hreppsins, www.arneshreppur.is.
Skipulags- og matslýsing fyrir verkefnið var auglýst í desember 2016. Þar er gert ráð fyrir að gildandi aðalskipulagi verði breytt og nýtt deiliskipulag unnið fyrir Hvalárvirkjun. Ákveðið hefur verið að fresta meginhluta breytinganna sem kynnt eru í lýsingunni og gera aðeins þær breytingar sem þarf til að hægt verði að ljúka við nauðsynlegar rannsóknir vegna hönnunar virkjunarinnar. Deiliskipulag fyrir sömu þætti verður unnið samhliða gerð aðalskipulagsbreytingarinnar. Að rannsóknum loknum verður lokið við skipulagsgerð fyrir Hvalárvirkjun í samræmi við auglýsta skipulags- og matslýsingu.
Hverjum þeim sem telur sig eiga hagsmuna að gæta er gefinn kostur á að kynna sér drögin og gera athugasemdir við þau. Athugasemdir eða ábendingar skulu vera skriflegar og berast á skrifstofu Árneshrepps í Norðurfirði, 524 Árneshreppi eða á netfangið arneshreppur@arneshreppur.is eigi síðar en 18. apríl 2017.
Oddviti Árneshrepps
Opnu húsi með fulltrúa frá Vesturverki varðandi breytingar á aðalskipulagi Árneshrepps vegna Hvalárvirkjunar hefur verið frestað til morguns, 12.apríl kl 13.
Tilkynning 4.apríl
Opnu húsi, sem vera átti í Norðurfirði fimmtudaginn 6. apríl, er frestað vegna ófærðar í hreppinn.
Opið hús verður þess í stað þriðjudaginn 11. apríl kl. 18-19, en þar verða drög að breytingu á gildandi aðalskipulagi til sýnis en einnig verður spurningum svarað og tekið við ábendingum.
Drögin verða einnig til sýnis í Kaupfélaginu í Norðurfirði á opnunartíma þess, frá kl. 11 til 15 fram til 18. apríl, eins og fram kom í fyrri auglýsingu. Þar sem flugi á Gjögur var aflýst í dag, hefur ekki verið hægt að hengja drögin upp í Kaupfélaginu. Það verður gert um leið og flogið hefur verið.
Veðrið hefur hins vegar ekki áhrif á birtingu á vefnum og er því hægt að kynna sér drögin hér á vefnum
28.03.2017
10. apríl 2017
Varðandi breytingu á aðalskipulagi vegna Hvalárvirkjunar:
Aðalskipulagsbreytingin, sem unnið er að núna, snýr aðeins að þeim framkvæmdum sem þarf til að ljúka við nauðsynlegar rannsóknir fyrir hönnun Hvalárvirkjunar. Í gildandi aðalskipulagi er gert ráð fyrir Hvalárvirkjun í Ófeigsfirði, en þegar aðalskipulagið var unnið var hönnun virkjunarinnar stutt á veg komin. Það var því ekki hægt að setja öll ákvæði sem þurfti inn í skipulagið.
Til að ljúka við rannsóknir, s.s. á vötnum og berg- og jarðlögum, þarf að koma rannsóknartækjum upp á heiðina og einnig þurfa rannsóknaraðilar að hafa samastað. Vegir og vinnubúðir þurfa að vera í samræmi við skipulag. Þess vegna er nú unnið að breytingu á aðalskipulaginu, þannig að hægt verði að reisa vinnubúðir neðan heiðarinnar og gera vegslóða upp á hana. Þegar hönnun virkjunarinnar er lokið er gert ráð fyrir að skipulaginu verði aftur breytt þannig að nákvæm ákvæði verði sett um virkjunina og hvernig umgengni skuli vera á svæðinu.
Núna er verið að kynna drög að þessari breytingu og geta allir komið með ábendingar til sveitarstjórnar. Sveitarstjórn fer síðan yfir ábendingarnar og breytir tillögunni ef ástæða er til þess. Í framhaldinu fær Skipulagsstofnun drögin til yfirferðar og kemur með ábendingar til sveitarstjórnar. Sveitarstjórn breytir tillögunni aftur ef ástæða er til og auglýsir hana. Þá gefst öllum aftur möguleiki á að koma með ábendingar eða athugasemdir og er fresturinn til þess 6 vikur. Eftir það fjallar sveitarstjórn enn og aftur um tillöguna og breytir henni ef athugasemdir gefa ástæðu til þess. Þá er tillagan aftur send til Skipulagsstofnunar til athugunar. Ef stofnunin hefur ekkert við tillöguna að athuga er hún staðfest og þá tekur skipulagið gildi. Gert er ráð fyrir að það verði í júlíbyrjun.
Kynning á drögum að aðalskipulagsbreytingu
vegna Hvalárvirkjunar í Árneshreppi
Unnið er að breytingu á Aðalskipulagi Árneshrepps 2005-2025 vegna fyrirhugaðrar Hvalárvirkjunar í Ófeigsfirði. Drög að skipulagsbreytingu verða til sýnis í Kaupfélagshúsinu í Norðurfirði þann 6. apríl n.k. á milli kl. 20 – 21 en þar verður spurningum svarað og tekið við ábendingum. Í framhaldinu verða drögin til sýnis í Kaupfélaginu í Norðurfirði á opnunartíma þess, frá kl. 11 til 15 fram til 18. apríl, og aðgengileg á heimasíðu hreppsins, www.arneshreppur.is.
Skipulags- og matslýsing fyrir verkefnið var auglýst í desember 2016. Þar er gert ráð fyrir að gildandi aðalskipulagi verði breytt og nýtt deiliskipulag unnið fyrir Hvalárvirkjun. Ákveðið hefur verið að fresta meginhluta breytinganna sem kynnt eru í lýsingunni og gera aðeins þær breytingar sem þarf til að hægt verði að ljúka við nauðsynlegar rannsóknir vegna hönnunar virkjunarinnar. Deiliskipulag fyrir sömu þætti verður unnið samhliða gerð aðalskipulagsbreytingarinnar. Að rannsóknum loknum verður lokið við skipulagsgerð fyrir Hvalárvirkjun í samræmi við auglýsta skipulags- og matslýsingu.
Hverjum þeim sem telur sig eiga hagsmuna að gæta er gefinn kostur á að kynna sér drögin og gera athugasemdir við þau. Athugasemdir eða ábendingar skulu vera skriflegar og berast á skrifstofu Árneshrepps í Norðurfirði, 524 Árneshreppi eða á netfangið arneshreppur@arneshreppur.is eigi síðar en 18. apríl 2017.
Oddviti Árneshrepps
Fréttasíðan Litli hjalli
Fréttasíðan Litli Hjalli er komin í loftið á ný.
Fréttaritari og umsjónarmaður er Jón Guðbjörn Guðjónsson í Litlu-Ávík.
Auglýsing vegna úthlutunar byggðakvóta á fiskveiðiárinu 2016/2017
Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 641/2016 um úthlutun byggðakvóta til fiskiskipa á fiskveiðiárinu 2016/2017
Grundarfjörð
Bolungarvík
Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 1102/2016 í Stjórnartíðindum
Sveitarfélagið Vogar
Árneshreppur
Strandabyggð (Hólmavík)
Blönduósbær (Blönduós)
Dalvíkurbyggð (Dalvík, Árskógssandur og Hauganes)
Norðurþing (Kópasker og Raufarhöfn)
Breiðdalsvík
Umsóknum skal skilað til Fiskistofu á eyðublaði sem er að finna hér. Umsóknum þarf að fylgja samningur við vinnslu á eyðublaði sem er að finna hér.
Vakin skal athygli á því að umsóknin telst ekki gild nema samningur um vinnslu fylgi.
Umsóknarfrestur er til og með 2. janúar 2017.
Fiskistofa 15. desember 2016
Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 641/2016 um úthlutun byggðakvóta til fiskiskipa á fiskveiðiárinu 2016/2017
Grundarfjörð
Bolungarvík
Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 1102/2016 í Stjórnartíðindum
Sveitarfélagið Vogar
Árneshreppur
Strandabyggð (Hólmavík)
Blönduósbær (Blönduós)
Dalvíkurbyggð (Dalvík, Árskógssandur og Hauganes)
Norðurþing (Kópasker og Raufarhöfn)
Breiðdalsvík
Umsóknum skal skilað til Fiskistofu á eyðublaði sem er að finna hér. Umsóknum þarf að fylgja samningur við vinnslu á eyðublaði sem er að finna hér.
Vakin skal athygli á því að umsóknin telst ekki gild nema samningur um vinnslu fylgi.
Umsóknarfrestur er til og með 2. janúar 2017.
Fiskistofa 15. desember 2016
7.desember 2016.
Kynning á skipulags- og matslýsingu vegna Hvalárvirkjunar
Hreppsnefnd Árneshrepps samþykkti þann 24. nóvember 2016 að kynna skipulags- og matslýsingu vegna breytingar á Aðalskipulagi Árneshrepps 2005-2025 og nýs deiliskipulags fyrir Hvalárvirkjun í Ófeigsfirði í samræmi við ákvæði skipulagslaga nr. 123/2010.
Sameiginleg skipulags- og matslýsing fyrir bæði verkefnin mun liggja frammi á skrifstofu Árneshrepps í Kaupfélagshúsinu í Norðurfirði. Lýsingin verður einnig aðgengileg á heimsíðu hreppsins á www.arneshreppur.is.
Hverjum þeim sem telur sig eiga hagsmuna að gæta er þannig gefinn kostur á að kynna sér lýsinguna og gera athugasemdir við hana.
Athugasemdir eða ábendingar skulu vera skriflegar og berast á skrifstofu Árneshrepps í Norðurfirði, 524 Árneshreppi eða á netfangið arneshreppur@arneshreppur.is eigi síðar en 29. desember 2016.
Oddviti Árneshrepps
|
Atvinna í Árneshreppi!
Það vantar starfsfólk í eftirfarandi störf:
Nánari upplýsingar hjá oddvita í síma 451 4001/847 2819 eða á skrifstofunni. |
|
„Gunna fótalausa"
Ný sýning opnar í minjasafninu Kört í Trékyllisvík þann 19.júní.
Ný sýning opnar í minjasafninu Kört í Trékyllisvík þann 19.júní.
|
Þann 19. júní n.k. verður opnuð sýning og afhjúpaður minnisvarði um Guðrúnu Bjarnadóttur (1770-1859) í minjasafninu Kört í Trékyllisvík.
Sýningin ber yfirskriftina Gunna fótalausa en það viðurnefni fékk Guðrún 15 ára gömul þegar hún kól svo illa að taka varð neðan af báðum fótum hennar. Fötluðum ungum konum á 18. öld voru ekki margir vegir færir en Guðrún markaði sér sína eigin slóð. Hún lét kyn, fötlun og þjóðfélagsstöðu ekki aftra sér í að verða bátasmiður, bóndi og jarðeigandi í Árneshreppi. Guðrún var vel liðin og framsýn kona sem steig ölduna í lífsins ólgusjó af fádæma styrk. Saga Guðrúnar verður að teljast einstök hvort sem horft er á hana út frá stöðu kvenna eða fatlaðra á hennar tíma. Ævi Guðrúnar og störfum eru gerð skil í lítilli sýningu í minjasafninu Kört sem staðsett er í Trékyllisvík miðri. Í Kört er einnig hægt að kynna sér sögu svæðisins, versla handverk af heimamönnum eða setjast niður með rjúkandi kaffibolla í fallegu umhverfi. Safnið er opið alla daga í sumar frá kl 10:00 - 18:00. |
|
Myndir úr Árneshreppi
|
Brot úr röksemdum fyrir stuðning við byggðina í Árneshreppi úr þingsályktunartillögu sem samþykkt var einhljóða á Alþingi vorið 2003.
Fólki hefur fækkað ört í byggðarlaginu síðustu áratugi eftir uppgang á fyrri hluta aldarinnar. Vegna þess fámennis ætti tiltölulega lítið fjármagn að nægja til að leiða í ljós, hvort að gagni geti komið einhver þau úrræði, sem eru föl fyrir krónur og aura. Byggðin er skýrt afmörkuð, svo auðvelt verður að meta áhrif aðgerða, og aðstæður svo sérstakar, að teljast verður illkvittni að fyllast öfund vegna einhvers stuðnings í þessu skyni við hana. Þar var um aldir lifað af fjölbreyttum landkostum og hlunnindum lands og sjávar. Auk hefðbundins land- búnaðar má nefna rekasæld, fuglatekju, selveiði og fiskveiðar, þar á meðal hákarlaveiði. Og á fyrri hluta þessarar aldar voru reistar tvær síldarverksmiðjur í hreppnum, í Ingólfsfirði og Djúpuvík, sem ennþá standa miklar leifar af. Enn lifir og starfar í sveitinni fólk, sem man og tók þátt í vinnubrgöðum sem lítt höfðu breyst um aldir. Í Árneshreppi hefur því þróast í aldanna rás merkilegt samfélag og íbúar þar voru á fimmta hundrað árið 1940. Nú eru þeir aðeins um áttatíu og vegna grisjunar byggðar á þess- um slóðum er nú orðin nærri 100 km fjarlægð til næsta byggðarlags og leiðin þangað á landi getur lokast marga mánuði á veturna vegna snjóa. Það er því ljóst, að bregðast þarf skjótt við, ef takast á að koma í veg fyrir algjöra eyðingu byggðarinnar. Fari svo mun sú menning, sem þar hefur dafnað, hverfa algjörlega og verður aldrei endurvakin. Þar með yrði þjóðin öll fyrir óbætanlegu tjóni, því að slík endalok eru ekki fyrst og fremst áfall fyrir fólkið, sem býr þar enn, heldur íslenska menningu og sögu. |
BEKKURINN góði í kaupfélaginu
Hjarta samfélagsins í Árneshreppi slær oft á tíðum á bekknum góða í kaupfélaginu.
Þar eru sagðar sögur, málefnin rædd, brandarar látnir flakka, skálað í malt eða splæst í ís.
Í stuttu mál, þar kemur fólk saman og maður er manns gaman.
Endilega sendið okkur ykkar mynd af bekknum góða í kaupfélaginu.
